Maria Teresa de Carvalho, deputada PD - Partido pro-Ditadura AMP

"Aleinde nee Membru PN Bankada PD Tereza Maria De Carvalho, hatete katak bazeia ba lei eleitoral nian katak espanduk no bandeira nee bele dada bainhira iha tempu kampaina, laos dada arbiru deit iha fatin fatin.  "Iha nasaun demokrasia hanu hanoin ema hotu hotu iha nia direitu atu halo buat ida tuir nia hakarak, maibe ita mos tenki respeita lei eleitoral nebee iha tiha ona kona ba atributu kampaina nian bele utiliza iha tempu nebee se ita dada arbiru deit maka ita rasik maka la fo valor ba bandeira partidu nian hanesan dada iha fahi luhan, dada iha ai leten, dada Estrada, nee signifika saida, ba ita bainhira ita haree fo  dignidade ba bandeira nee," Tereza hatete. Nia hatutan mos katak  PNTL hasai bandeira iha area Baucau karik nee mos los tanba iha Lei eleitoral nian rasik preve tiha ona katak atributu partidu nian  laos ona tempu atu hasae arbiru iha fatin-fatin publiku. w'ly" http://suaratimorlorosae.com/details.php?id=11987&now=2008-02-27

 

Uluk Padre Martinho Gusmao dehan GMT (Gedung Matahari Terbit) hanaran tiha ba GAT (Gedung Angkat Tangan) hafoin Congresso Fretilin nian ramata, ne'ebe kongresista sira la hili kandidatu ne'ebe maka Padre Martinho Gusmao andalkan, Jose Luis Guterres ho Egidio de Jesus. Agora ita nia uma-kain Parlamento Nacional, instituisaun orgaun soberania estadu nian, maka sai duni GAT ho deputadu AMP nian ne'ebe mesak "Yes Man!" Parese Padre Martinho Gusmao sei laiha problema ruma.

 

Deputada Partido Democratico, Teresa Maria de Carvalho, fo ezemplu diak ida. Ita bele lee kutipan iha leten ne'e ne'ebe mai hosi STL. Buat ida dada bandeira ho spanduk ne'e direitu sidadaun nian atu express ninia an, politikamente, artistikamente ka hanusa deit. Ne ema nia direitu. Se ema ida hakarak dada bandeira Fretilin nian iha ninia uma oin, ne'e konforme nia. Se nia hakarak halo spanduk ida hodi protesta governu, ne'e ninia direitu demokratiku. Laiha lei ida, nein iha Timor-Leste, nein iha rai ne'ebe iha estadu direitu demokratiku, maka regula fali se, hanusa, no bainhira maka sidadaun ida bele espresa ninia ponto de vista politiku, liu hosi meiu saida de'it, naran katak nia la lori violensia. So iha rejime ditadura hanesan rejime Orde Baru Suharto nian maka expresaun politika ne'ebe kontra governu ema bandu. Timor-Leste rai ida ho rejime direitu demokratiku. Talves Teresa Maria de Carvalho ho ninia maun bot, Sr. Jose Alexandre Gusmao (JAG) hakarak ona hasai direitu ne'e hosi sidadaun Maubere, Timor-Leste nian? Moe!!! Ka Teresa Maria de Carvalho hanesan militante PD ida no deputada ne'ebe laiha kakutak hodi hanoin, laiha prinsipiu at defende no inkompetente?

 

PD ne dehan Partido Democratico. Agora sai ona Pro Ditadura AMP karik?

 

Hau moe fali....